Gemengewalen 2023

Campagne "Egalitéit liewen !"

Fir méi Partizipatioun vu Fraen an der Gemengepolitik an e besseren Equiliber tëscht Fraen a Männer an de kënftege Gemengeréit.


Den 11. Juni 2023 wielt eist Land nees déi Fraen a Männer, déi an de Gemenge Verantwortung iwwerhuelen, fir um lokale Plang fir e bessert Zesummeliewen a méi Liewensqualitéit ze suergen.

Néierens anescht wéi an de Gemenge sinn d’Politikerinnen a Politiker esou no un de Wënsch an un de Besoine vun de Biergerinnen a Bierger.

Eng politesch Vertriedung ass am Beschten opgestallt, wann si aus engem gudde Mix vu Fraen a Männer aus allen Alterskategorië besteet. Dofir setzt sech och de Ministère fir d’Gläichstellung tëscht Fraen a Männer an.

An deem Kontext lancéiert eise Ministère eng Campagne fir d’Gemengewahle vun 2023, déi op 3 grousse Pilierë besteet:

Video-Témoignagen

Wéi erliewe Fraen, déi elo schonns aktiv an der Gemengepolitik sinn, hiren Alldag als Lokalpolitikerin? Loosst Iech motivéieren duerch hir Témoignagen, déi Iech vill Äntwerten op Är eventuell Froen iwwert e méiglecht Mandat an Ärer Gemeng liwweren.

Weiderliesen
Lokal Ënnerstëtzung beim Rekrutéiren vu neie Perséinlechkeeten

Wéi rekrutéieren ech als Partei-Sektioun nei Perséinlechkeeten, déi sech an der Lokalpolitik verwierkleche kéinten? Wéi motivéieren ech an enger Majorz-Gemeng nei Leit, déi sech an den Déngscht vu de Biergerinnen a Bierger wéilte stellen?

Weiderliesen
Dag vun der oppener Dier an Ärer Gemeng

Organiséiert eng „Porte ouverte“ an Ärer Gemeng, déi de Biergerinnen a Bierger den Alldag an Ärer Administratioun, Äre Servicer, awer besonnesch an Äre Schäffen- a Gemengeréit méi no bréngen.

Weiderliesen
Aktuell Situatioun

Hei fannt Dir Informatiounen, wéi d’Gemengen aktuell – virun de Wahlen vun 2023 opgestallt sinn.

Weiderliesen