Formatioun a Weiderbildung

Praktesche Guide fir unzefänken (Starter-Kit)

Wëllt Dir e Projet am Beräich vun der Gläichstellungspolitik tëscht Fraen a Männer ufänken ?

Guide fir unzefänken
De Réseau vun de Gläichstellungsdelegéierten

Tauscht Iech mat anere Gemengen aus a gitt Member vum Réseau vun de Gläichstellungsdelegéierten.

De Réseau
Gemenge-Präis

Mir belounen Är Efforten: De Gemenge-Präis fir di beschte Beispiller.

D'Laureaten

Formatioun a Weiderbildung

An de Limite vun hirem Kompetenzberäich fuerdert d'Gemeng d'Gläichstellung am Domaine vun der Formatioun an der Weiderbildung.

Ausgangsfroen

  • Wat fir eng Léier-Institutiounen (Maison relais, Schoulen, Weiderbildungszentren) stinn der Gemeng zur Verfügung, déi kënnen sensibiliséiert ginn op deem Niveau?
  • Wéi kann een un d'Personal an un d'Verwaltung vun deenen Instituter eruntrieden fir dës Ziler bekannt ze maan?

Gutt Beispiller

Organiséiert e Girls’day Boys’day. Wärend dësem Dag kënne Jongen a Meedercher ee vun hiren Elterendeeler op d’Aarbecht begleeden an sech esou e Bild iwwert d’Beruffsliewe maachen. An enger Gemeng kënnen d’Kanner esou entweder d’Aarbechtsplaze vum Gemengepersonal besichen, oder déi an enger Entreprise, déi um Territoire vun der Gemeng aktiv ass.

Op fir d’Plazen, déi vun der Gemeng an der Summervakanz un déi Jonk offréiert ginn, oder fir e Stagiaire-Posten, deen am Laf vum Joer offréiert gëtt, versicht dës Plaze mat atypesche Kandidatinnen a Kandidaten ze besetzen, andeems Dir beispillsweis jonk Männer fir d’Spillnomëtteger engagéiert, oder jonk Damme beim Gaarde-Service vun der Gemeng astellt.

D'Personal vun deene Léier-Institutiounen um Terrain encouragéiren fir bei den Actiounen a Campagnen zur Sensibilisatioun op d'Gläichstellung matzemaan, déi souwuel an Eege-Régie wéi och mat anere Partner op d'Bee gestallt goufen.Reservéiert Sensibiliséierungsateliere fir Är Grondschoul oder Maison Relais, oder bestellt pedagogescht Material, dat speziell fir Kanner a Jonker entwéckelt ginn ass. Fir méi Detailer, besicht den thematesche Site vum Ministère fir Educatioun, Kanner a Jugend

Bucht Formatioune fir Babysitting, wéi se beispillsweis vun der Initiativ Liewensufank oder vum Service national de la Jeunesse organiséiert ginn. Falls néideg, koordinéiert och d’Demande fir e Babysitting-Service mat de Kandidatinnen a Kandidaten, déi an Ärer Gemeng disponibel sinn.

Strieft eng Zesummenaarbecht mat der "Eltereschoul Janusz Korczak" vun der Fondatioun Kannerschlass a.s.b.l. un, fir Coure fir Elteren z'organiséieren, esouwuel fir d'Personal vun der Gemeng wéi och fir all interesséiert Awunnerinnen an Awunner.

Schaaft e lokale Service fir d’Aarbecht, wéi dee vun der Stad Diddeleng, oder ënnerschreift eng Konventioun mat Initiative wéi Rëm schaffen a Zarabina, déi zousätzlech Berodungen zur ADEM offréieren, notamment iwwert d’berufflech Rehabilitatioun.

Wann Dir Deel vun engem Weiderbildungs-Réseau sidd, da gitt der Verwaltung vun desem Réseau dëst Zil weider an organiséiert eventuell Weiderbildunge fir Erwuessener an deem Beräich an Ärer Gemeng.


Sidd Dir, als Gemeng, gewëllt méi gewuer ze ginn?

Da fëllt dese Formulaire aus a mir kommen, sou séier et méiglech ass, op Iech zréck.

Kontakt


All d'Ziler gesinn