Multipel Diskriminatiounen

Praktesche Guide fir unzefänken (Starter-Kit)

Wëllt Dir e Projet am Beräich vun der Gläichstellungspolitik tëscht Fraen a Männer ufänken ?

Guide fir unzefänken
De Réseau vun de Gläichstellungsdelegéierten

Tauscht Iech mat anere Gemengen aus a gitt Member vum Réseau vun de Gläichstellungsdelegéierten.

De Réseau
Gemenge-Präis

Mir belounen Är Efforten: De Gemenge-Präis fir di beschte Beispiller.

D'Laureaten

Multipel Diskriminatiounen

Iwwert d'Gläichstellung vun de Fraen a Männer erausgoend, setzt d'Gemeng sech an fir d'Bekämpfung vun all Form vun Diskriminéirung, sief dat um Niveau vum Alter, der Behënnerung, der Race, de sozialen oder ethnesche Wuerzelen, der Sprooch, dem Glaawen, de politeschen Iwwerzeegungen oder der sexueller Orientatioun.

Ausgangsfroen

  • Wéi kann d'Gemeng en "Etat des lieux" maachen iwwert d'Presenz vu multiplen Diskriminéirungen bei der lokaler Bevëlkerung?
  • Wéi eng Partner kéimen a Fro fir ze hëllefen, desen "Etat des lieux" opzestellen a matzehëllefen, di festgestalten Diskriminéirungen an diskriminatoresch Situatiounen, ofzebauen?

Gutt Beispiller

Schafft mam Centre pour l’égalité de traitement zesummen, fir Är Moossnamen zur Preventioun géint all Forme vun Diskriminéierungen ëmzesetzen.

Wann Dir Sproochecoursen organiséiert, denkt drun, eng Crèche oder eng Garderie fir d’Kanner zur Verfügung ze stellen, fir keng Participanten auszeschléissen, déi keng Méiglechkeet hunn, fir hir Kanner versuergen ze loossen.

Huelt en Aktiounsplang fir d'Egalitéit an d'Net-Diskriminéierung un, um Beispill vun der finnescher Stad Vantaa.

Schafft e lokale Guide aus, deen iwwert all d'Gemenge-Servicer informéiert, a stellt dobäi sécher, dass e gläichgestallten Accès zu dëse Leeschtungen fir all Geschlecht ginn ass, an och fir all aner Kategorie vu Leit, déi um Territoire vun der Gemeng wunnen.

Bréngt e Wëllkomm-Carnet a verschiddene Sproochen eraus, dee besonnesch Persounen, déi nei ukommen, iwwert de Fonctionnement vun de politeschen Organer an déi verschidde kommunal Servicer informéiert. D’Stied Esch/Uelzecht a Réimech, souwéi d’Gemengen Hesper a Stroossen hu schonns esou e Guide erausbruecht. Dir kënnt Iech och um Informatiounsportail fir d’Installatioun an d’Integratioun zu Lëtzebuerg „Just Arrived“ inspiréieren.

Offréiert e Parrainage-Service un d‘Beneficiaire vun enger internationaler Protektioun, esou wéi beim Projet « Réussir sa migration » vun der ASTI.

Kontrolléiert, ob Är Infrastrukturen kompatibel mat Rollstill sinn, andeems Dir mat Info-Handicap Lëtzebuerg zesummeschafft. Hire Programm „Design for all“ liwwert Informatiounen iwwert den Amenagement vun ëffentlechen Infrastrukturen, déi den Zougang fir Biergerinnen a Bierger mat reduzéierter Mobilitéit garantéieren.


Sidd Dir, als Gemeng, gewëllt méi gewuer ze ginn?

Da fëllt dese Formulaire aus a mir kommen, sou séier et méiglech ass, op Iech zréck.

Kontakt

All d'Ziler gesinn